مرثية نمر بن عدوان بعد وفاة زوجته

هذه القصيدة الحزينه مرثية في زوجته وضحى ...
البارحـــه يـــوم الخلايق نيــامــا..... بيحت من كثر البكا كل مكنون
قمت اتوجد وانثر الماء على ما..... من موق عين دمعها كان مخزون
ولى ونة من سمعها مايناما..... كني صويب بين الاضلاع مطعون
وإلا كما ونت كسير السلاما..... خلوه ربعه للمعادين مديون
في ساعة قل الرجا والمحاما..... في ما يطلع يومهم عنه يقفون
وإلا كما ونت راعبية حماما..... غاد ذكرها والقوانيص يرمون
تسمع لها بين الجرايد حطاما..... من نوحها تدعي المواليف يبكون
وإلا خلوج سابية للهياما..... على حوار ضايع في ضحى الكون
وإلا حوار نشقوله شماما..... وهي تطالع يوم جروه بعيون
يردون مثله والظوامي سياما..... ترزموا معها وقامو يحنون
وإلا رضيع جرعوه الفطاما..... توفت امه قبل اربعينه يتمون
عليك ياشارب لكاس الحماما..... صرف بتقدير من الله مأذون
جاه القضاء من بعد شهر الصياما..... صافي الجبين بثاني العيد مدفون
كسوه من بيض الخرق ثوب خاما..... وقاموا عليه من الترايب يهلون
راحوا بها حروة صلاة الاماما..... عند الدفن قاموا لها الله يدعون
برضاه والجنة وحسن الختام..... ودموع عيني فوق خدي يهلون
حطوه في قبر غطاه الهداما..... في مهمة من عرب الامات مسكون
ياحفرة يسقي ثراك الغماما..... مزن من الرحمة عليها يصبون
جعل البخري والنقل والخزاما..... ينبت على قبر به العذب مدفون
مرحوم ياللي ما مشى بالملاما..... جيران بيته راح ما منه يشكون
ياوسع عذري وان هجرت المناما..... ورافقت من عقب العقل كل مجنون
اخذت انا وياه سبعة اعواما..... مع مثلهن في كيف مالها لون
والله كنه يا عرب صرف عاما..... ياعونة الله صرف الايام وشلون
واكبر همومي من بزور يتاما..... وان شفتهم قدام وجهي يصيحون
وان قلت لا تبكون قالوا علاما..... نبكي ويبكي مثلنا كل محزون
لا قلت وش تبكون؟ قالوا يتاما..... قلت اليتيم اياي وانتم تسجون
قمت اتشكا عند ربع اعداماما..... وجوني على فرقا خليلي يعزون
قالوا تجوز وانس لامه بلاما..... ترى العذارى عن بعضهم يسلون
قلت انها لي وفت بالولاما..... ولو جمعتم نصفهن ما يسدون
ما ظنتي تلقون مثله حراما..... ايضا ولا فيهن على السر مامون
واخاف انا من عاديات الذماما..... اللي على ضيم الدهر ما يتاقون
أو خبلة ما عقلها بالتماما..... تضحك وهي تلدغ على الكبد بالهون
توذي عيالي بالنهر والكلاما..... وانا تجرعني المر بصحون
والله لولا هالصغار اليتاما..... وخايف عليهم من الدجه يضيعون
لقول كل البيض عقبه حراما..... واصبر كما يصبر على الحبس مسجون
عليه مني كل يوم سلاما..... عدة حجيج البيت واللي يطوفون
وصلوا على سيد جميع الاناما..... على النبي يللي حضرتوا تصلون

مشكووووووووووووور أخووووووووووي أنا هالقصيدة أحبها مرررررررررة

وعلى كثر ماأسمعها ماأمل منها

بس من جد أول مرة أقراها مكتوبة

بس لحظة
^
^
للأعضاء اللي تابعوا مسلسل نمر بن عدوان فيه تناقض بين الكلام والافعال

انا شفت كم حلقة منه وهو كل يوم يتزوج وحدة حتى بعد ماكبروا عياله والمشكله انه يقول بالمرثية

والله لولا هالصغار اليتاما..... وخايف عليهم من الدجه يضيعون
لقول كل البيض عقبه حراما..... واصبر كما يصبر على الحبس مسجون<<من جد تناقض هع

السلام عليكم ورحمة الله

ومساكم الله بالخير

لا لأنك وضحتي بنفسك (هالصغار)هوا كان يبغى مين يرعى عياله وأهم صغار فتزوج أختها شكلي بأكتب الحوار ههههه طيب لأن جانه بالحلم ولاكت ماراعتهم حق الرعايه فقام يتزوج لين طاح بوحده تمام الي أهي أم سهم بس ولاكن ودي كان شفتي الحلقه الي فيها ماتت وضحى زوجته عن جد قويه.

لازم تتابعين الموضوع كله بأي شي بحياتك على شان تحكمين عليه وأنتي قلتي ماشفتي إلا حلقات قليله يعني ما كنتي ملمه بالموضوع كامل فكيف تحكمين؟هذي نصيحه من أخوك ياريت قبل ما تحكمين على أي شي شوفي الموضوع كله وأبعاده لكي إذا قلتي أي كلمه مستحيل أحد يغلطك فيها.
تقبلي تحياتي

مشكور خيو لكن انا عارفة بكل زواجاته وتابعت نهايته ومن قبل زواجه من وطفى وانا مافاتني شي

بس كيف يقول لولا هالصغار وهو يتزوج حتى بعد ماكبروا أدري بالمثل اللي يقول كل شاعر كاذب<<وان ماكان كلهم وادري ان الشعراء يقولون مالا يفعلون_المقصود به مبالغتهم_

ماادري انا احس المسلسل بعد ماصار يتزوج كل شوي صار بايخ وهذي وجهة نظر ارجو تقبلها
لأن وانا اسمع القصيدة توقعته ماراح يتزوج الا يوم كانوا عياله صغار بس صار كل يوم زواج وهذا اللي حبيت أوصله حتى ام سهم بالنهاية طردها لأنها قارنت نفسها بوضحى

وعلى العموم مشكور على الاهتمام

وبالنهاية مااقول الا الله يرحم الشاعر العاشق نمر بن عدوان لأني عن جد أحب هالشخصية يكفي وفاءه لوضحى

يعطيك العافيه على مرورك الرائع صح أنو عندي تحفض على بعض الكلمات لاكن تبقى وجهة نظر والوفاء إذا لم يكون بالشخص فمن وجهت نظري هذي الشخصيه حقيره وأسمحو لي على هذا التعبير.